Saytga kirish A'zo bo'lish
Qiziqarli kanalimizga marhamat
Eng saralari shu yerda
';
Hikoyalar | SEVSH TALANT
YOQSA KLASS OK

Yigit: - Sizni sevib qolsam maylimi?
Qiz biroz o'zini yo'qotdi va bir marta yigitga ko'z tashlab indamay oldidan o'tib ketdi. Avtobusga o'tirgan qiz "Ishqilib bu notanish yigit avtobusga chiqmasinda" deb pichirladi.
Hayriyatki yigit avtobusga chiqmadi. Qiz yengil tortganday bo'ldi. Boshini avtobusning oynasiga qo'ygancha o'ylay boshladi:
"Telbaroq ekan. Sevish, sevmaslik ham birovdan so'ralarkanmi? Yana oldimga yugurib chiqqani ortiqcha. Yuragim chiqay dedi. Ufff! Namuncha o'sha jinni haqida o'ylab qoldim? Unchalik chiroyli emasdi-ku".
Avtobus to'xtadi. Qiz tushib uyi tomon yo'l oldi.
* * *
Ayni vaqtda yigitning kayfiyati yo'q edi. Qaysidir o'rtog'i unga, "Kayfiyating yo'q bo'lsa, darrov birorta chiroyli qiz topib, unga sevgi izhor qil. Kayfiyating ko'tariladi" degandi. Yigit o'sha o'rtog'ini ichida so'kdi. "Kayfiyating ko'tariladi emish! Endi u qiz men haqimda nima hayolga boradi? Aslida o'zim qizlarga gap otishda no'noqman".
* * *
Ertasi kuni qiz yana o'sha bekat oldidan o'tayotganda atrofga yaxshilab nazar soldi. O'tgan kungi yigit ko'rinmadi. Shunda bildiki, yigit shunchaki gap otgan. Qiz alam bilan bekatdagi o'rindiqqa o'tirdi. Lablari pichirladi, "Yaramas, ko'ngliga oladi deb o'ylamaydi bunaqalar!"
Qizga alam qilgani shunda edi. U yigitga yanada yoqish uchun alohida pardoz qilgan edi. Yana yangi ko'ylak kiydi. Bari bitta betayin uchun!
* * *
Yigitning ko'ngli hijil bo'la boshladi. Qizni o'yladi. "Bechora qiz sevgi izhorimni to'g'ri ma'noda tushundi. Chunki uning yuzlari qizardi. Ko'zlari biroz pirpiradi".
Shartta o'rnidan turib, kiyimlarini kiydi. Taksi ushlab, o'sha bekatga yo'l oldi.
* * *
Qizning ko'zi yoshlandi. "Shunaqayam yengiltak bo'lamanmi?! Bitta shilqimning gapiga aldanib o'tiribman" deb o'ylardi.
Shu zahoti sochidagi tasmasini yechib oldi. Uzun sochlari beliga sirpanib tushdi. Qiz shu turishida farishtadek go'zal ko'rinardi. Faqat buni o'zi ko'rmayotgandi. Uyiga ketgisi keldi. Lekin uning qalbi yana biroz shu bekatda o'tirishni buyurdi.
***
Yigitga taksi juda sekin yurayotgandek tuyildi. Haydovchiga tezroq haydashni iltimos qildi. Yana qiz haqida o'yladi. Lekin qizning yuz tuzilishini aniq eslayolmadi. Faqat qizning uzun sochlarini esladi. Nihoyat bekatga yetib kelgan yigit darrov mashinadan tushib, bekatdagi odamlar orasidan qizni qidira boshladi.
Nogohon o'rindiqda boshini hiyla egib o'tirgan qizga ko'zi tushdi. Uni darrov tanidi. Hayajonlandi. Yuzi qizardi. O'zida kuch topib, qiz tomon yura boshladi.
* * *
Qiz o'zidan, shilqim yigitdan nafratlana boshlagan edi. Shunda kimningdir yo'talgan eshitildi. Qiz e'tibor bermadi.
- Sizda gapim bor edi, - degan ovoz eshitildi. Qizning jahli chiqdi. Chunki qiz yana bitta shilqim gap otayapti deb o'ylayotgandi. Jahl bilan:
- Siz ham sevgi izhor qilmoqchimisiz, - dedi.
Yigit g'alati holatga tushgandi. Nima deyishni bilmay qoldi. Keyin:
- Yo'q, men kecha sevishimni aytgandim, - dedi.
Qiz shu gapni eshitishi bilan yigitga qaradi. Yigit ham unga qarab turardi. Bu o'sha yigit edi!
Nigohlar to'qnashdi. Yigit qizning ko'zlaridagi uchqunni ko'rib mahliyo bo'lib qoldi. Shundagina qizning kamon qoshlariga, uzun kipriklariga, quyosh nurida tovlanayotgan uzun sochlariga, yuzidagi o'ziga yarashgan holiga ko'zi tushdi. Qiz ko'zini olib qochdi. Ayni vaqtda unda ham shu holat yuz berayotgan edi. Qiz yana yigitning ko'zlariga qarashga, uning ko'zlarining asirasiga aylanishga qo'rqdi.
Yigit qaltiroq ovozda:
- Men sizni sevaman, - dedi.
Qizning yuzi ikkinchi bor qizardi. U oniy lahzada ginalarni unutgandi. Nima deyishni bilmadi. Biroz turib:
- Kechirasiz, o'qishga kech qolayapman, - deb o'rnidan turdi. Besh-olti qadam tashladi. Yigit tosh qotgandi. Qiz hozirgina yoqtirib qolgan yigitdan ajralgisi kelmayotgandi. Shu sabab ortiga o'girildi va yigitga jilmayib qo'ydi. Bu jilmayish ortida tabiiyki olam-olam ma'no bor edi. Yigit buni tez tushundi va tez-tez yurib qizga yetib oldi...

Ular doim baxtli bolishsin
Yuklab olish:
TXT format
Bo'lim: Sevgi haqida she'rlar
Yozdi: * ♡♥{}@@MANGIT-@@CITY@@{}♡♥ [A] (8 Yan 2018, 16:57)
Ko'rilgan: 665
Reyting: 1
*1 | 0*

Fikrlar: (0)
*Xabar:

Xabar yozish uchun a'zo bo'ling yoki saytga kiring!
Xabar yo'q!
Saytda: 699 | Foydalanuvchilar: 3949 +4